LABURPENA

Joan den martxoaren 22an, ETAk “su-eten iraunkorra” iragarri zuen. Testuinguru politiko eta sozial horretan, “Nosotras que amamos tanto” erreportajeak lau emakumeri ematen die hitza. Terrorismoaren lau biktima dira, eta euskal gatazkaren esparru sozial zabalaren ordezkariak dira. Emakumeok albistea nola jaso zuten, barkatzeko gai diren ala ez, adiskidantzarik ote dagoen eta biktimen zeregina zein izango den azalduko digute. Horrez gain, atzera begiratu eta mehatxuak, atentatua eta euren berreraiketa pertsonalaren egunez egunekoa gogoratuko dituzte.